Мақсаты – ғылыми теориялық әдебиеттерді және ғаламтор желісіндегі сайттарды пайдалана отырып, ғаламдану жағдайындағы сандық ресурстардың рөлі туралы түсінік қалыптастыру.

Тапсырма:

Сандық жаһанданудың тенденцияларына, оның күнделікті өмірдегі салдарларына, артықшылқтары мен кемшіліктеріне кешенді талдау жасау:

-  Онлайн сауда: артықшылықтары және кемшіліктері (сыни тұрғыдан нақты мысалдармен талдау);

-  Желілік қоғам, Индустрия 4.0., үлкен деректер т.б. сандық жаһандану ұғымдарына теориялық-тұжырымдамалық талдау жасау;

-  диссертациялық зерттеу жұмысын жүргізудегі сандық ресурстарға негізделген ғылыми қорлармен  (Скопус, Фрэнсис-Тэйлор базасы, MDPI базасы) жұмыс жасаудың алгоритмі;

-  білім берудегі цифрлық ресурстар (таңдап алынған платформаға жан-жақты талдау жасау);

- сандық ресурстарды игерудегі гендерлік теңдік мәселесі (тақарап бойынша өзіндік жұмыс);

-  "Менің өмірім және әлеуметтік желілер" тақырыбында эссе жазу.

Жүргізу  түрі: Ғылыми әдебиеттермен, ашық ғаламтор желілерімен және дәптермен жұмыс. 

Көмекші құралдар мен жабдықтар:

Силлабуста берілген негізгі және қосымша әдебиеттер, ғаламтор сайттары.

 Жұмысты орындау жөнінде нұсқаулық

Ғылыми дереккөздерден сандық жаһандану туралы ақпараттарды жинақтау және танысу, нәтижесінде сараптамалық ой қорыту. Жеке пікірді немесе көзқарасты слайд түрінде графикалық жүйелеу немесе танымдық бейнеролик құрастыру. 

Тексеру формасы: Тапсырмалар слайд түрінде, ауызша сұрау арқылы тексеріледі.