Пәннің басты мақсаты – болашақ ғылыми-педагогикалық сала мамандарын ғаламдану үрдісінің тенденцияларымен, қазіргі дүниеде болып жатқан үрдістердің географиялық аспектілері жайлы терең білім беріп, қазіргі заманғы мәдени, әлеуметтік, саяси және экономикалық жағдайға географиялық ойлау тұрғысынан баға берудің негізін қалыптастыру болып табылады.

Пәннің негізгі міндеті «География» білім бағдарламасы бойынша оқытудың келесі нәтижелерін (ОН) қалыптастыру болып табылады:

- білім алушыларды қазіргі дүниеде болып жатқан экономикалық-географиялық құбылыстар мен процестердің арасындағы себеп-салдарлық байланыстарды ажырата білуге үйрету;

- өндіргіш күштерді орналастыруда, халық қоныстануы мен экономикалық ынтымақтасу, ғаламдану жағдайындағы қазіргі заманғы географиялық заңдылықтарды анықтап, олардың ерекшеліктерін айқындай білуге үйрету;

- халықаралық экономикалық, мәдени және саяси қатынастардың ғаламдану жағдайындағы жаңа сипатымен таныстыру;

- дүниежүзілік шаруашылықтың ғаламдану сипаты мен оның қазіргі дүние географиясындағы рөлін білуі қажет.