1.    Әдістеме – білім берудің мақсаттарын іске асыруға бағытталған оқыту тәсілдері мен әдістер жүйесі.

2.    Оқыту процесі – мұғалім мен оқушының өзара әрекеттесуі арқылы білім, білік және дағдыларды меңгеру үдерісі.

3.    Педагогика – тәрбиелеу мен оқыту туралы ғылым.

4.    Дидактика – оқытудың теориясы мен практикасын зерттейтін педагогика бөлімі.

5.    Оқыту әдісі – оқу материалын меңгеруге бағытталған мұғалім мен оқушының бірлескен іс-әрекет тәсілі.

6.    Әдістемелік жүйе – мақсат, мазмұн, әдіс, құрал және оқыту формаларының өзара байланысы.

7.    Сабақ – оқу процесін ұйымдастырудың негізгі формасы.

8.    Мақсат қою – сабақта күтілетін білімдік және тәрбиелік нәтижелерді анықтау.

9.    Білім беру стандарты – оқу пәндерінің мазмұны мен көлеміне қойылатын мемлекеттік талаптар жиынтығы.

10.  Білім – табиғат пен қоғам туралы жүйеленген ұғымдар мен түсініктер жиынтығы.

11.  Білік – білімді іс жүзінде қолдана білу қабілеті.

12.  Дағды – әрекетті қайталау арқылы қалыптасқан тұрақты іс-әрекет тәсілі.

13.  Құзыреттілік – білім, білік және тәжірибеге негізделген тұлғаның әрекетке дайындық сапасы.

14.  Интерактивті оқыту – оқушылардың өзара белсенді қарым-қатынасына негізделген оқыту түрі.

15.  Жобалық әдіс – оқушылардың зерттеу, талдау және шығармашылық іс-әрекетіне негізделген әдіс.

16.  Зерттеу әдісі – табиғи және әлеуметтік құбылыстарды ғылыми тұрғыда талдау тәсілі.

17.  Көрнекілік әдісі – оқу материалын сурет, карта, модель арқылы бейнелеп түсіндіру.

18.  Картамен жұмыс – географиялық білім мен кеңістіктік ойлауды қалыптастыру тәсілі.

19.  Модельдеу – күрделі құбылысты қарапайым үлгі арқылы түсіндіру әдісі.

20.  Бақылау – табиғи нысандар мен құбылыстарды жүйелі түрде тікелей зерттеу әдісі.

21.  Эксперимент – құбылыстарды арнайы жағдайда тәжірибе жүзінде зерттеу.

22.  Саралап оқыту – оқушылардың қабілет деңгейіне сәйкес тапсырмалар беру тәсілі.

23.  Деңгейлік тапсырма – оқушылардың білім деңгейіне қарай құрылатын оқу материалы.

24.  Оқыту технологиясы – оқыту процесін ғылыми жобалау және тиімді ұйымдастыру жүйесі.

25.  Ақпараттық технологиялар – білім беруде компьютер, мультимедиа, интернет ресурстарын пайдалану.

26.  Сандық ресурстар – электрондық карта, анимация, бейне және интерактивті тапсырмалар жиынтығы.

27.  Географиялық карта – Жер бетінің немесе оның бөліктерінің шартты белгілер арқылы бейнеленуі.

28.  Глобус – Жердің нақты пішінін және кеңістіктік қатынастарын көрсететін көлемді модель.

29.  Жаратылыстану – табиғат туралы кешенді ғылым (физика, химия, биология, география т.б.).

30.  Экологиялық білім – табиғатты қорғау және экологиялық мәдениетті қалыптастыруға бағытталған білім жүйесі.

31.  Пәнаралық байланыс – жаратылыстану пәндерінің мазмұнын бір-бірімен үйлестіру принципі.

32.  Құрал-жабдықтар – тәжірибе, өлшеу және бақылау жүргізуге арналған оқу материалдары.

33.  Дала тәжірибесі – табиғи жағдайда жүргізілетін бақылау және зерттеу сабағы.

34.  Практикалық жұмыс – білімді бекіту мен қолдануға бағытталған іс-әрекет түрі.

35.  Қалыптастырушы бағалау – оқушылардың оқу процесіндегі жетістіктерін ағымдағы бақылау тәсілі.

36.  Жиынтық бағалау – белгілі бір кезең соңындағы оқу нәтижесін бағалау түрі.

37.  Оқу мотивациясы – оқушының білім алуға деген ішкі талпынысы мен қызығушылығы.

38.  Рефлексия – өз оқу әрекетін, нәтижесін және қателіктерін талдау процесі.

39.  Мұғалімнің кәсіби шеберлігі – педагогикалық, әдістемелік және тұлғалық сапалардың бірлігі.

40.  Оқыту нәтижесі – оқу процесінің соңында қалыптасатын білім, білік және құзыреттіліктер жиынтығы.