"Жаңартылған мазмұндағы "Математика" пәнін оқыту әдістемесі" пәні Бастауыш білім беру білім бағдарламалары бойынша дайындалатын студенттерге арналған.
Пәннің мақсаты студенттерде кіші жастағы мектеп оқушыларына математиканы оқыту барысында туындайтын оқу-тәрбиелік міндеттерді кәсіби деңгейде шешу үшін қажет болатын құзырлылықпен қаруландыру болып табылады.
Пәннің негізгі міндеттері:
- кәсіби іс-әрекетке қажет болатын құзыреттіліктерді қалыптастыруға себепкер болу;
- кіші жастағы оқушыларға математиканы оқыту барысын жоспарлау, оны жүзеге асыру, басқару және рефлексиядағы білім, білік және дағдыларды біріктіретін пәндік құзыреттіліктерді қалыптастыру;
- диагностикалық және зерттеу әрекеттерін жобалау және жүзеге асыру технологиясын игеруге себепкер болу болып табылады.
Пәннің нысаны – бастауыш сыныптар мұғалімінің жоғары педагогикалық кәсіби білім беру құрамдасы ретіндегі әдістемелік-математикалық білім.
Пәні – кіші мектеп жасындағы оқушыларға математиканы оқытудың теориялық негіздері бойынша болашақ бастауыш сыныптар мұғалімдерінің кәсіби-теориялық және технологиялық, пәндік құзыреттіліктерін қалыптастыру барысы.
Қолданылатын әдебиеттер:
1. ОспановТ.Қ., Құрманалина Ш.Х., Құрманалина С.Қ.Бастауыш мектепте математиканы оқыту әдістемесі. – Астана, «Фолиант», 2010. – 468 б.
2. Астамбаева Ж.Қ.Математиканы оқыту әдістемесі. Оқу-әдістемелік құрал. – Астана, «Дарын», 2016. – 81 б
3. Астамбаева Ж.К., Жумабаева А.Е.Алгоритмдерді оқыту әдістемесі. – Алматы, 2022. – 72 б.
4. Бастауыш білім беру деңгейінің 1-4 сыныптарына арналған «Математика» оқу пәні бойынша үлгілік оқу бағдарламасы (16.09.2022 ж. № 399 бұйрығының 27-қосымшасына сәйкес).
5. Математика. Жалпы білім беретін мектептің 2-сыныбына арналған оқулық. Екі бөлімді. /Т. Қ. Оспанов, Ж. Қ. Астамбаева, Н. О. Мергенбаева. – Алматы: Атамұра, 2022.
6. Математика. 1,3,4-сыныптар./ А.Б.Ақпаева, Л.А.Лебедева, т.б. – Алматы, «Алматыкітап баспасы», 2023.